Android Smartphone Me Stock Rom Aur Custom Rom Kya Hota Hai | Kisi Bhi Mobile Ko Flash Kaise kare ?

Hello friends aaj me aapko bataunga ki kisi Android mobile me Stock aur Custom Rom [Software] kya hota hai ? Aur Stock Rom ko kaise Flash kare ?
            Simple sabho me kahe tho ye ek Operating System hai, Jaise aapke computer ya laptop me hota hai jisse hum Windows kehte hai.

Phone ko flash kyu kiya jata hai ? Iske liye mai apko ek example batata hu, jaise aapke PC me Windows corrupt ho jaye, ya phir Windows related koi problem aa jaye tho aap PC me new window install karte hai. Thik waise hi agar aapke mobile ke Software me koi problem aa jaye tho aapki phone me stock rom ko flash karke new O.S [Operating System] install karna padta hai. Jisse apka phone ek dum naya ban jayega.

    Rom 2 Tarah Ke Hote Hai

1. Stock Rom :- Stock Rom wo hoti hai jo phone Manufacture Company Officially phone me aapko install kar deti hai. Jab aap new phone lete hai tho isme aapko stock rom milti hai. Jo ek original rom hoti hai. Agar aap apna phone ko flash karna chahte ho tho mai aapko stock rom jo original Rom hoti hai wahi suggest karunga.

2.Custom Rom :- Ye ek fully customize Operating System hai. Jisko developer apni requirements ke mutabik modify aur customize karke build karte hai. Custom Rom install karke aap apna phone ki performance and battery life increase kar sakte hai. Matlab aap apne phone ko poori tarah se customize change kar sakte hai. Custom Rom Phone me install karne per aapke phone ki warranty khatam ho jati hai. Aur isse kabhi kabhi mobile me bahut errors bhi aane lag jate hai. Custom Rom Flash karne ke liye aapka phone root hona jaroori hai.

● Android Phone Ko Root Kaise Kare ?

● Rooted Mobile Ke Liye Top 10 Apps

Important Note :- Mobile ko flash karte samay agar koi mistake ho jaye tho aapka mobile dead bhi ho sakta hai. Isiliye sabhi steps ko ache se follow kare.

Android Phone Ko Falsh Karne Ke Liye Basic Requirements

- Computer or Laptop

- Android Phone

- USB Cable

- USB VCOM DRIVE

- SP Flash Tool

- Stock Rom

 Friends har mobile ke Stock Rom mobiles ke according different hote hai. Aapko particular mobile ko Google per search karke find karna hoga. Per aap pareshan hone ki jaroorar nai kyu ki ye Rom internet per aasani se mil jate hai.

How To Flash Any Android Mobile ?

1. Sabse Pehle VCOM Driver ko download karo. Phir jo zip file download hogi use open karo. Us zip file me Aapko installDriver setup hoga use run karo.

2. Jaise setup run hoga waise hi Driver aapke PC me install ho jayega. Aur phir Exit button par click karo.

3. Driver Successfully install hone ke baad  

My Computer → Manage →Device Manager→ Ports 

Note :- Agar Aapke PC Me Ye Option Show Nahi Ho Raha Hai Tho Hamhe Driver Manually Install Karna Padega.

VCOM Driver Ko Manually Kaise Install Kare ?

1.  VCOM Driver ko manually Install karne ke liye

→Device Manager→Action→Add Legacy Hardware.

2. Hardware Wizard Aayega Next button par click karo.

3. Next Button click karte hi aapke samne ek Window open hoga, waha par apko 2 option dekinge unme se →Install The Hardware That I Manually Select From The List  ko select karke Next button par click karo.

4.  Next Button ko click karte hi aapke samne All Device List open hogi. Aur aapko scroll down karke Ports (COM & LPT) ko select karo aur Next button par click karo.

5. Next Button dabate hi aapke samne Add Hardware Window open hogi. Yaha par apko Left side me Media Tek Inc. select karo aur Right side me  Media Tek DA USB VCOM Port + Media Tek Preloader USB VCOM Port ko select karo aur Next button par click karo.

6. Next Button  par click karte hi aap ke PC me drive aapne aap install hona chalu hoga. Phir Finish par click kardo.

Android Phone Me Stock Rom Kaise Flash Kare

Friends ab hamhara 50% kaam ho chuka hai. Aur next aapko apne mobile ke according Google se Stock Rom ko download karna hoga.

1. Sabse pehle aapko SP Flash Tool Ko download karke PC me install karna hoga.

2. Ab SP Flash Tool par right click karo aur Open with Administrator ko click karo. 

3. Flash Tool open karne ke baad Download Tab per click kare.

4. Fir Scatter - Loading button par click kare. Ab apke samne location box open hoga bass yaha se aap aapne mobile ke liye jo Rom download kiya hai us folder me enter kare→ phir firmware folder me enter kare→ waha Scatter.txt file hogi use select kare or open ke uper click kare.

Jin phone me Mediatek processor hota hai Scatter file jyadatar unhi phone ki rom me hoti hai. Agar aapki download ki gayi stock Rom me Scatter file nahi hai tho aapke phone me koi aur processor hai usko flash karne ka tarika bhi aur hota hai.

5. Jab scatter.txt file poori tarah se load ho jaye matlab jaise niche diye picture me green line aa jaye tho Download button par click kare.

  

6. Fir aap apne smartphone ko off karke uski battery ko remove kare aur usko USB data cable ke saath PC se connect kare. Kuch time  wait karne ke baad aapka phone flashing complete hone ke baad apko ek green sign ka ek icon dekhega.

7. Green sign aane ke baad Flash Tool software ko close karke apne android mobile ko PC disconnect kare aur phone ko on karke dekhe.

[ Congratulations Aapka Android Phone Successfully Flash Ho Chuka Hai ]

Agar aapko Android Phones me stock rom flash karne me ya phir USB VCOM Drive install karne me koi problem aa rahi hai tho aap comment karke pooch sakte hai.